Rijeka Crnojevića

Svojom privlačnom okolinom, Rijeka Crnojevića ćete impresionirati već na prvi pogled. Ušuškana je na lijepoj obali Skadarskog jezera i do nje možeš stići iz pravca Podgorice, Cetinja ili Virpazara.

Ukoliko se odlučiš da kreneš Iz Podgorice glavnim magistralnim putem ka Cetinju, skretanje je na oko 16 km, lijevo. Prati signalizaciju.

Silazak sa glavnog puta vijugavim, tipično crnogorskim krajolikom, kojim se smjenjuju oštri kamen, raznoliko bujno rastinje, terasasto obradivo zemljište, sa ponekom kućicom, i pogledi koji se pružaju prema dubini Skadarskog jezera, stvoriće ti utisak kao da se nalaziš usred snimanja nekog epskog filma i da si glavni akter.

Zaustavi se kod Pavlove strane, nadomak Rijeke Crnojevića i uživaj u spokoju i prizoru pred tobom. Neka to bude tvoj aperitiv.

Bez obzira iz kojeg pravca dolaziš, predjeli Skadarskog jezera ćete jednako prijatno iznenaditi.

Prije nego što stigneš, ipak saznaj nešto o gradu

Početak priče o gradu se vezuje za vladara Zete, Ivana Crnojevića (1465–1490), koji je da bi izbjegao Tursku vojsku na Obodu podigao utvrđenje i manastir, čija je crkva posvećena Svetom Nikoli. Tu je prenio svoju prijestonicu sa tvrđave Žabljak, a manastir je postao sjedište zetske Mitropolije.

U samom gradu, obavezno posjeti podrumsku prostoriju davno porušene zgrade, koja se vezuje za rad Obodske štamparije, gdje je štampana prva ćiirilična knjiga „Oktoih prvoglasnik“ 1494.godine. 

Rijeka Crnojevića se može pohvaliti izuzetnim građevinskim objektima. Jedan od njih je i kameni „Danilov most“ koji je podigao knjaz Danilo 1853. godine u spomen na svoga oca Stanka Petrovića. Uz most, na lijevoj obali rijeke je podigao jednospratnu kuću poznatu pod imenom „Mostina“, očuvanu do danas. Most je služio kao veza između varoši i Riječkog grada i dio starog karavanskog puta Rijeka Crnojevića – Virpazar. Kralj Nikola I Petrović je na Rijeci podigao zimski dvorac „Ljeskovac“ i sagradio veliki most pod nazivom “Novi most” koji povezuje Rijeku sa Virpazarom. 

Šetnjom kroz gradić češ primijetiti nekoliko lokalnih restorana. Obavezno degustiraj njeguške i jezerske specijalitete. Probaj krapa, drušićku rakiju ili vino…a sve ostale priče o najpoznatijoj crnogorskoj luci XIX I XX vijeka, najstarijem očuvanom objektu kući Svetog Petra, burnoj istorijskoj prošlosti ćeš sigurno čuti od gostoprimnih domaćina.

Nakon degustacije valja potrošiti i kalorije, zar ne?

Prošetaj do Obodske pećine, provozaj se brodićem, kajakom ili biciklom, posjeti predivna mjesta poput Karuča, Drušića ili Dodoša.